Баннер
Марий Эл Радио

Республикыште «Алексеевский-Кугу Кодам-Какшанмучаш» автомашина корнын 8-ше гыч 20-шо километрже марте ыштеныт

  • Дата: 15:00, 9-11-2022
  • Просмотров: 302

Республикыште «Алексеевский-Кугу Кодам-Какшанмучаш» автомашина корнын 8-ше гыч 20-шо километрже марте ыштеныт.  Пашам «Лӱдыкшыдымӧ да сай качестван автомашина корно» нацпроект дене келшышын шуктеныт. Организаций у асфальтым шарен, корно тӱрышкӧ тыгыде кӱйым оптен, тыгак  разметкым ыштеныт, корно пале-влакым вераҥденыт. Тидын дене пырля 7 остановко павильоным келыштарыме. «Алексеевский-Кугу Кодам-Какшанмучаш» корно Советский районысо ял-влакым «Йошкар-Ола-Уржум» кугорно дене уша. 2021 ийыште 8 километрым тӧрленыт, 2024 ийыште эше ныл километрым  ыштышаш улыт. 


Марий Эл Радио

Оршанкыште тоштемше пӧртла гыч еҥ-влакым кусараш у пӧртым чоҥен шуктат

  • Дата: 14:58, 9-11-2022
  • Просмотров: 279

Оршанкыште тоштемше пӧртла гыч еҥ-влакым кусараш у пӧртым чоҥен шуктат. У пачерлашке лишыл жапыште 50 еҥ кусна. Пӧртыштӧ 33 пачер, 22-шым Табашино да Оршанка гыч программын участникше-влаклан ойырат. Пӧртсийым нуно вес идалык тӱҥалтыште вашлийыт.


Марий Эл Радио

Регион вуйлатыше Юрий Зайцев республикыште чрезвычайный ситуаций лийме годым калыкым аралыме объект-влакын ямде улмыштым терген

  • Дата: 14:57, 9-11-2022
  • Просмотров: 252

Регион вуйлатыше Юрий Зайцев республикыште чрезвычайный ситуаций лийме годым калыкым аралыме объект-влакын ямде улмыштым терген. Мемнан кундемыште командно-штабной учений эртен. «Арена Марий Эл» спорткомплекс воктене Юрий Зайцев специализированный технике дене палыме лийын. Ты радамыште пожарым йӧрташ, еҥ-влакым утараш, сусыргышо-влакым кондыштараш келыштарыме транспорт. Регион вуйлатыше Правительстве комиссийын куснылшо пунктыштыжат лийын. 


Марий Эл Радио

Йоча ден самырык театр коллектив-влак черетан таҥасымаште шке мастарлыкыштым тергат

  • Дата: 15:09, 8-11-2022
  • Просмотров: 417

Йоча ден самырык театр коллектив-влак черетан таҥасымаште шке мастарлыкыштым тергат. Юл кундемысе федерал округышто «Театральное Приволжье» фестивальын муниципал этапше тӱҥалын. Кызыт усталык коллектив-влак йодмашым колтат.


Марий Эл Радио

Марий Элын Калык илышым саемдыме шотышто министерствыже «Няня» ешартыш услугым пуртен

  • Дата: 15:07, 8-11-2022
  • Просмотров: 329

Марий Элын Калык илышым саемдыме шотышто министерствыже «Няня» ешартыш услугым пуртен. Мутлан, йочам школ гыч вашлияш, кружокыш ужаташ, эсогыл икмыняр жап ончаш кӱлеш гын, ава-влак олаласе да районласе калыкым социально обслуживатлыме комплексный рӱдерлаште полышым йодын кертыт. Тушто нунылан социальный пашаеҥым палемдат да нянян услугыжым яра темлат. Тачысе кечылан 97 специалист республикнан чыла олаштыже да районлаштыже полышым пуаш ямде. Социальный пашаеҥ авалан кечыште ныл шагат марте полшен кертеш.


Марий Эл Радио

Йошкар-Олан историйжым ынде пашаш але мӧҥгӧ кудалме годым кумданрак пален налаш лиеш

  • Дата: 15:03, 8-11-2022
  • Просмотров: 344

Йошкар-Олан историйжым ынде пашаш але мӧҥгӧ кудалме годым кумданрак пален налаш лиеш. Тидлан 8-ше номеран троллейбусышто келыштарыме аудиогид полша. Экскурсий Медведевысе Сеҥымаш сквер гыч тӱҥалеш да Йошкар-Оласе сеҥымаш парк марте шуйна.


Марий Эл Радио

Йошкар-Олаште шыже призыв жапыште самырык-влакын икымше тӱшкаштым ужатеныт

  • Дата: 15:01, 8-11-2022
  • Просмотров: 363

Йошкар-Олаште шыже призыв жапыште самырык-влакын икымше тӱшкаштым ужатеныт. Армий радамышке ушнышо-влак Калиниградский областьыште Балтийский флотышто службым эрташ тӱҥалыт. Рвезе-влакым Воин Чап монумент воктечын ужатеныт. Йошкар-Олан военный комиссарже Игорь Артизанов палдарен: самырык-влакым Донецкий, Луганский калык республикыла, Запорожский да Херсонский областьласе сарзе частьлашке колташ огыт тӱҥал. Ушештарена, шыже призыв тений 1 ноябрь гыч 31 декабрь марте эрта. 


Частичная мобилизация / Марий Эл Радио

Военнослужащий-влак дечын пурышо йодышым Юрий Зайцев шкежак эскера

  • Дата: 14:58, 8-11-2022
  • Просмотров: 388

Военнослужащий-влак дечын пурышо йодышым Юрий Зайцев шкежак эскера. Тачысе кечын мобилизованный-влакын ешыштлан тӱрлӧ шӧрынан полыш ойыралтеш. «Тунемме рӱдерлаште улшо военнослужащий-влак нерген ойлаш гын, тидын радамыште организационный але материальный йодыш-влак улыт гын, нуным рашемдыман», - тыге Юрий Зайцев палемден. Вӱргечын Ульяновскышко гуманитарный полышым колтат. 10 ноябрьыште МВД, Курыкмарий район да Волжск олан администрацийышт дене пырля республикысе колонно специальный военный операций кайыме верышке, тыгак чек воктенсе кумдыкышко тарвана. Тушкат гуманитарный полышым колтат. 


Частичная мобилизация / Марий Эл Радио

Мобилизаций дене сарзе службышко кайыше-влаклан налогым тӱлымӧ шотышто отсрочко пуалтеш

  • Дата: 13:11, 2-11-2022
  • Просмотров: 454

Спецоперацийын участникше да нунын лишыл родыштлан полышым эреак шукемдат. Тачысе кечын ты радамыште единовременный пособий, кредит каникул, мобилизованный граждан-влакын икшывыштлан полыш. Тидын дене пырля мобилизаций дене сарзе службышко кайыше-влаклан налогым тӱлымӧ шотышто отсрочко пуалтеш.


Марий Эл Радио

Тений Марий Элыште 321 километр корным тӧрленыт

  • Дата: 13:03, 2-11-2022
  • Просмотров: 402

Тений Марий Элыште 321 километр корным тӧрленыт. Тиде пашам «Лӱдыкышдымӧ да сай качестван автомашина корно» нацпроект дене келшышын шуктымо. Корно пашаеҥ-влак чылаже 2 тӱжемат 500 наре квадрат метрыш 500 тонн наре асфальтым шареныт. Кызыт ыштыме пашам 2023 ийысе план дене келшышын шуктат. Весымат палемдыман, федерал программе дене келшышын тений республикыште 14 кӱварым тӧрленыт. Тушто асфальтым вашталтеныт, тыгак гидроизоляцийым шотышко конденыт, тоштемше лончо-влакым вашталтеныт.