Марий Эл Радио

Волжск олаште аварийный пöртлаште илыше, тыгак тулык йоча-влаклан у пачер дечын сравочым кучыктеныт

  • Дата: 13:01, 2-11-2022
  • Просмотров: 432

Волжск олаште аварийный пöртлаште илыше, тыгак тулык йоча-влаклан у пачер дечын сравочым кучыктеныт. Тиде куан тат дене еҥ-влакым регион вуйлатыше Юрий Зайцев саламлен. Шуко пачеран у пӧртыштӧ пачерым 20 утла тоштемше пӧртла гыч 66 ешлан, тыгак 24 тулык йочалан пуэныт.


Марий Эл Радио

Кундемыштына янлык-влаклан орымаш чер деч вакцинацийым ыштат

  • Дата: 13:00, 2-11-2022
  • Просмотров: 391

Кундемыштына янлык-влаклан орымаш чер деч вакцинацийым ыштат. Республикыш «Рабистав» вакцинын черетан тӱшкаже толын шуын. Ветеринар службо Пӱртӱс аралтыш министерствын полшымыж дене ир янлык-влакын илыме верыштым шымла.


Марий Эл Радио

Ялозанлык-влак теле тургымлан ямдылалтыт

  • Дата: 12:56, 2-11-2022
  • Просмотров: 449

Ялозанлык-влак теле тургымлан ямдылалтыт. Ветеринарий комитетын палемдымыже почеш, кызыт ферме ден чыве фабрике-влакым йӱштӧ пагытлан келыштарат да ветеринар-санитар пашам шуктат. Пӧлемлаште дезинфекций ден дезинсекцийым эртарат, пырдыж ден тувырашым ошемдат. Тачысе кече марте 900 утла пӧлемым нормативлан келыштарыме. Кугу тӱкан шолдыра вольыкым налаш гын, нуным ашныме пӧлемла гыч 96 процентшым ямдылен шуктеныт.


Марий Эл Радио

Федераций Советын вице-спикерже Константин Косачёв мемнан республикыште куртньыгорным чоҥен шуяш темлымаш дене лектын

  • Дата: 16:10, 1-11-2022
  • Просмотров: 373

Федераций Советын вице-спикерже Константин Косачёв мемнан республикыште куртньыгорным чоҥен шуяш темлымаш дене лектын. Теҥгече сенатор-влак транспорт министр Виталий Савельев дене вашлийыныт. Тушто транспорт да корно озанлык нерген каҥашеныт.


Частичная мобилизация / Марий Эл Радио

"МЫ ВМЕСТЕ" толкын у шӱлышым налын

  • Дата: 16:08, 1-11-2022
  • Просмотров: 408

"МЫ ВМЕСТЕ" толкын у шӱлышым налын. Ушештарена, волонтёр-влакын ты ушемышт элыштына ятыр кугу азап да лӱдыкшӧ годым шке чолгалыкшым ончыктен. Пандемий жапымак налаш гын, ятыр волонтёр рӱдер, клуб да школ гуманитар, юридический да психологий полышым пуэн. Эсогыл, сурт кокла сомылымат шукташ полшен. А ынде "МЫ ВМЕСТЕ" толкын Украине да Российыш пурышо у субъектла гыч толшо беженец-влаклан, мобилизацийыш логалше-влакын ешыштлан полша. Тидлан шокшо линий пашам ышташ тӱҥалын - 8-800-200-3411. Ты шокшо линий дене 7 тӱжем утла волонтёр да психолог полышым пуаш ямде. Ты номер дене сутка мучко йынгырташ лиеш. Тыгак #МЫВМЕСТЕ толкын кышкарыште ятыр посна рӱдер-влак верлаште полышым пуат. Тӱрыс уверым МЫВМЕСТЕ.РФ сайтыште пален налаш лиеш.


Частичная мобилизация / Марий Эл Радио

Марий Элын вуйлатышыже Юрий Зайцев у кӱштыкыш шке кидпалыжым пыштен

  • Дата: 16:05, 1-11-2022
  • Просмотров: 421
Марий Элын вуйлатышыже Юрий Зайцев у кӱштыкыш шке кидпалыжым пыштен. Тудын дене келшышын, сарзе операцийыште ӱмыр лугыч лийше салтак-влакын ешыштлан республикысе спорт тӧнежлашке кошташ йӧнанрак лийшаш. Кундемыштына Спорт да тазалык кече эрытме годым гын нуно спорт услуго-влак дене яра пайдаланен кертыт.

Марий Эл Радио

Йочам ашнаш налмылан 100 утла ешлан пособийым тӱленыт

  • Дата: 10:47, 28-10-2022
  • Просмотров: 394

   Йочам ашнаш налмылан 100 утла ешлан пособийым тӱленыт. Тений январь тылзе гыч икшывым ашнаш налше ешлан ик гана тӱлалтше – вес семынже   «единовременный» выплатым Россий Пенсий Фонд колташ тӱҥалын.


Марий Эл Радио

Йошкар-Олалан 400 ий темме лӱмеш парк кумдыкышто у спорт комплексым чоҥат

  • Дата: 10:47, 28-10-2022
  • Просмотров: 403
Йошкар-Олалан 400 ий темме лӱмеш парк кумдыкышто у спорт комплексым чоҥат. Тыште кеҥеж пагытыште спорт дене кылым кучаш келшыше площадке-влак лийыт. Тачысе кечылан ик тыгай площадкым тушто ыштенат шуктеныт. Ты объектым чоҥашлан республикысе бюджет гыч чылаже 2 миллон утла теҥге оксам ойырымо. Тудым верысе инициатив программе почеш чоҥат. Тыгай темлымаш дене Спортын пляжный тӱрлыкшӧ дене федераций лектын. У спорт комплексым вес ий шошылан ямдылен шуктышаш улыт. 

Марий Эл Радио

Марий Эл – турист-влакын ик эн йӧратыме верже

  • Дата: 10:43, 28-10-2022
  • Просмотров: 383

Марий Эл турист-влакын ик эн йӧратыме верышкышт савырнен. Индеш тылзе жапыште кундемышкына 620 тӱжем утла еҥ толын коштын. Утларакшым кундемышкына Татарстан, Башкортостан, Коми, Чуваший,  Киров, Самара, Саратов, Оренбург кундемла гыч толыт. Тений вӱд туризмат ончыко тошкалын.


Марий Эл Радио

Кугыжаныш погынын черетан сессийыштыже школышто тунемше тулык йоча-влакым яра кондыштарыме шотышто пунчалым луктыныт

  • Дата: 10:42, 28-10-2022
  • Просмотров: 324

Кугыжаныш погынын черетан сессийыштыже школышто тунемше тулык йоча-влакым яра кондыштарыме шотышто пунчалым луктыныт. Тудын дене келшышын, ола кӧргыштӧ да ола воктене коштшо общественный транспорт дене тулык йоча-влак оксам тӱлыде коштын кертыт, районлаште гын тиде пунчал район кӧргысӧ кумдыклан шарла.