Йошкар-Оласе аграрный колледж Россий кокла профессионал образованийын лидерже радымыште. Шукерте огыл Санкт-Петербургышто мер-профессионал премийым торжественно кучыктеныт. Нунын коклаште аграрный колледжын директоржо – Геннадий Богданов. Тудын дене Кристина Быкова вашлийын.
Радио да телевиденийын пашаж дене палыме лийыт. «Ямде лий» газет редакций республикын эн чолга 15 юнкоржым «Марий юнкор» усталык школыш чумыра. Юнкор слет 4 кече жап эрташ тÿҥалеш. Йоча-влаклан тӱвыра да туныктымо программе ямдылалтын. Журналистике да сылнымут дене палдарен юнкор-влаклан лекций, вашлиймаш, экскурсий эртат. Тыгак йоча-влак «МЭТР» телеканалын, «Марий Эл Радион» пашаж дене палыме лийыт. Юнкор-влак слет жапыште сылнымутын чыла жанржым шымлат. А тиде кушкын толшо тукымым сылнымут да журналист пашалан кумылаҥда. Тиде амал денак слёт тений 16-шо гана эртаралтеш.
Историйыште икымше гана. Эртыше каныш кечылаште Москошто ВДНХ-ште Пеледыш пайрем гÿжлен. Тудо «Россия» форум-ончер кышкарыште лийын. Пайрем таҥошкылмаш гыч тÿҥалын. 500 наре еҥ «Каменный цветок» фонтан деч тÿҥ сцене марте ошкылын. Сцене гыч 3 шагаташ кугу концертым Марий Элысе коллектив, филармоний, Эрик Сапаев лÿмеш опер да балет театр, М.Шкетан лÿмеш театрын артистышт ончыктеныт.
Советский кундемын онаеҥже Григорий Виногоров Кече Ава нерген каласкала.
2023 ий 1 сентябрь гыч республикысе школ ден сузлашке директорын советникше должностьым пуртеныт. У вашталтышлан ик идалыкат лиеш. Советник тунемше да студент-влак дене чак пашам ышта. Нунын талантыштым ужын, чын корно дене виктарен колташ полша. Тыгак йоча ушем-влак дене кылым куча. Кызыт республик мучко 223 советник пашам ышта. Таче мутнам У Торъял районысо школ-интернатыште воспитаний шотышто директорын советникше Снежана Смородинова дене вашталтена.
Республикысе школлаште пытартыш йыҥгыр-влак йоҥгат. Эше теҥгече гына ош бантикан изи ÿдыр ден моторын чиен шогалше изи-рвезе-влак школ омсам почын пуреныт. А таче нуно тыгаяк мотор, но ынде кушкын шушо чолга ÿдыр-рвезе-влак школ дене чеверласат. Йошкар-Оласе 19-ше номеран школ таче эн ончыч 9-ше классым тунем пытарыше 140 выпускникым у корныш ужатен. Нунын коклаште 5 – «отличник» уло. 31 йоча школым «нылытан» да «визытан» отметкылан тунем пытарен. Пайремым флагым нöлтымаш да гимн гыч тÿҥалыныт. Школ дене чеверласыме тат кажне йочалан шерге да шарнымашеш кодшо.
Уло Россий мучко иктешлыше кугыжаныш экзаменым кучаш тӱҥалыныт. 23 майыште литератур, химий, географий предметла дене ЕГЭ лийын. Марий Элыште чылаже 545 еҥ возен. Географий дене 105 еҥ, литератур - 111, химий дене - 327 выпускник экзаменым кучен. Тений 11-ше классыште тунемше 2 тӱжемат 429 йоча, 9-ше классыште 7 тӱжемат 744 тунемше экзаменым куча. 11 классын тунемшыже-влак руш йылме да математике предмет-влак деч посна, утларакше физике, иформатике, химий, историйым ойырен налыныт. Экзаменым кучымо шотышто тений икмыняр вашталтыш уло.
Тӱткыш – киносымыктышлан. Йошкар-Олаште «Движение по вертикали» кинофестиваль эртаралтын. Кокымшо фестиваль кумдан чапланыше кинорежиссёр, актёр, сценарист, продюсер Станислав Говорухинлан пӧлеклалтын. Фестиваль кышкарыште рӱдолаште да районлаште ятыр кином ончыктеныт, мастарлык-классым эртареныт.
Литературовед да краевед Ким Васинын шочмыжлан тений - 100 ий. Тудын илыме пӧртыштыжӧ мемориал оҥам сакеныт. Ученый, тӱвыра, мер пашаеҥ да литературоведын родо-тукымжо Ким Васинын сылнымутышто паша лектышыжым радамленыт.
РЕПОРТАЖ: Советский районышто эртыше Орлята-влакын икымше спартакиадышт.
