Сочи олаште эртыше самырык-влакын тӱнямбал фестивальышт мучашке лишемеш. 1 гыч 7 март марте «Сириус» федерал кумдыкышто форум эрта. Тушко Российын чыла гаяк регионжо да йот элла гыч самырык-влак погыненыт. Марий Эл гыч Сочиш 72 участник да 25 волонтер каеныт. Ме мутнам фестивальын ик чолга участникше Виктория Емельянова ден вашталтена.
Республикысе наркологий диспансерын врачше Данилова Н.Н.
Ача-ава-влакым йочасадын пашаж дене лишкырак палдараш. Тыгай амал дене 2 ий ончыч Йошкар-Оласе йочасадлаште Виктарыше каҥаш шочын. Таче тудо икмыняр йочасад пелен пашам ышта. Каҥашыште кӧмыт улыт, да молан тудо кӱлеш? Тиде да моло йодыш-влаклан вашмутым мемнан съемочный группына кычалын, Йошкар-Оласе 43-шо номеран «Тулгайык» йочасадыш миен коштын.
Кадет радам ешаралтын. Советский районысо Ургакш посёлкысо лицей-интернатыште 21-шо кадет класс товатмутым пуэн. 9-ше классыште тунемше 23 ӱдыр-рвезе кадет радамыш пайремлын ушнен. Кадет виктыш тиде лицейыште 21 ий ончыч тӱналтышым налын. Тачысе кечылан 18 классым туныктен луктыныт.
Йошкар-Олан тӱҥ онаеҥже Юрий Тушнурцев Ӱярня пайрем дене палдара.
2023 ийын эн йодмашан мурыжо да мурызыжо-влак пале улыт. Марий Эл Радио черетан «Идалыкысе муро» фестивальым эртарен. Тений эртыше ийым иктешлыше кугу концерт 13-шо гана эртаралтын. Сцене гыч радион базышкыже пурышо 200 утла муро гыч 30 эн ойыртемалтшыже йоҥгалтын.
Йошкар-Олаште «Диво Евразии» фестиваль-конкурсын сеҥышыже-влакым палемденыт. Марий Эл гыч вич видеоролик сеҥышыш лектын. Палемдыман, конкурс тӱнямбал кӱкшытыштӧ эртен. Иктешлымашым Ираныште ыштеныт.
«Идалыкын туныктышыжо» да «Идалыкын воспитательже» конкурсын муниципал этапшым иктешленыт. Йошкар-Олаште тиде чап лӱмым 21-ше номеран школышто тӱҥалтыш класслам туныктышо Вероника Литвинова да рӱдоласе 47-ше номеран «Чудо-остров» йочасадын воспитательже Людмила Григорьева суленыт. Самырык специалист-влак дене мемнан съемочный группына вашлийын.
Программын унаже – Марий Эл Республикысе янлыкым аралыме шотышто департаментын советникше Дмитрий Пигалин.
Телым шошо алмашта. Мартыште игече палынак вашталтшаш. Республикысе метеоролог-влакын палдарымышт почеш, йӱшто игече шеҥгелан кодын, лум шулаш тӱҥалеш. Лач тиде тылзын Марий Элыште йӱдвел волгалтышым ужаш лиеш. Март тылзе могайрак лиеш, тудын дечын мом вучыман? Мемнан съемочный группына астроном Дмитрий Казаков да игечым эскерыше Геннадий Рыбаков дене вашлийын.
