На этот раз главный герой программы - Мурызо Эчан (Александр Кожевников). 

Мемнан кундемыште тений 29 чодыра пожар лийын. Тидыже 11 август эрлан ончымаште. Утларак ужар кумдык Звенигово районышто йӱлен -9 пожар лийын, Юрино районышто 6 чодыра пожар, 4-Медведево районышто, 3-Советский районышто, Волжский да Моркышто кокыт дене, икте дене Курыкмарий, Килемар, Параньга районлаште. 

Республикыште у тунемме ийлан 541 тунемме организаций ямдылалтеш. Таче кечын 454 але 84 % ямде. Улшо 224  йочасад, ешартыш шинчымашым пуышо 46 учреждений пашам ыштен кертыт. Коронавирус инфекцийым шижтараш тунемме верлаште профилактике мероприятийым радамлыме. 

Кодшо кечылаште республикыште 22 ИВЛ аппарат толын. Тудым централизованный поставке дене келшышын федерал рӱдер колтен. Август мучаш марте улшо контракт дене республике эше 43 аппаратым налеш. Оперативный штабын заседанийштыже тазалык аралымаш министрын алмаштышыже Татьяна Королева ешарен, Россий минздрав республикылан китайыште ыштыме эше 10 аппаратым безвозмездно пуа. 

Волжский районышто «Йоча усталык пӧртыштӧ» самырык корно инспектор-влакын классыштым ыштат. Тушто утларак йоча ешартыш шинчымашым налын кертеш. Волжский район администрацийын социалвоткылысе официал лаштыкын уверже дене, «Образований» нацпроект дене ЮИД классым ышташ у оборудованийым налыныт: тиде волгалтше корно пале, велосипед, корно правилым палаш туныктышо тӱрлӧ комплекс-влак да молат. 

Марий Элыште кугыжаныш кок лабораторий пандемий тӱҥалме дечын вара 100 тӱжем утла тестым ыштеныт, тышечын 800 утла пытартыш суткаште. Пандемий тӱҥалме дечын вара республикыште 3932 еҥын лабораторно коронавирус пеҥгыдемдалтын. 

Республикысе социал вияҥмаш министерстве у тунемме ий вашеш йоча-влаклан школыш каяш полшаш ӱжеш. «Еш ешлан полша: школыш ямдылалтына» республике кӱкшытан поро кумыл акций эрта. Тудо  31-ше август марте кая.   Акций эн ончыч шуко шочшан еш-влаклан, тичмаш огыл еш гыч йоча-влаклан, ача-аван полышышт деч посна кодшо икшыве, нелылыкыш логалше еш-влаклан полшаш виктаралтын. 

Роспотребнадзорын специалистше-влак унагудо да отельлаште рейд-влакым эртареныт. Санитар врач-влак правил шуктымым тергеныт. Пудыртымаш-влак вашлиялтын огытыл. Унагудо пашаеҥ-влак маскым чият, тыгак рӱдоласе гостиницылаште кидын дезинфекцийжылан средство-влак улыт. Администратор-влак социал дистанцийым эскерымылан тӱткышым ойырат,  пӧлемышке яндар южым пуртат, да южын обеззараживанийжым ыштат.