Республикышке коронавирус вакциным кӱлеш верышке намиен шукташлан рефрижератор-влакым конденыт. Специализированный автомашина-влак медицин оргнизацийлашке вакциным кондыштараш тӱҥалыт. Холодильный оборудований 20 градус йуштӧ марте кылмыктен, да 12 градус марте ырыктен кертеш. Рефрижератор-влакым республикысе бюджет кӱшеш налыныт. 

Республикыште коронавирус инфекций дене черланымаш шагалемаш тӱҥалын. кок ВУЗышто шинчымашым погат. 

 «Саликан пиалже» роман марий калыкын ик эн йӧратыме «Салика» спектакльысе тӱҥ герой-влакын илыш корныштым умбакыже шуя. Тыште Саликан, Эчукын, Чопайын, вакшоза Ози Кузин, ялысе торговой еҥ Полат Акпайын, урядник Сармаевын да икмыняр моло персонажын образышт гоч граждан сар годсо, тыгак Совет властьым да Марий автономийым ыштыме пагытысе марий калыкын илышыж нерген ойлалтеш. 

«Марий Эл Радио» подводит итоги проекта для самодеятельных авторов и певцов «Шӱм муро». 

Шернур районысо Марий Сола тӱвыра да каныме рӱдерым уэмденыт. Районысо ик эн ойыртемалтше тӱвыра пӧртын леведышыжым капитально тӧрленыт. «Тӱвыра кумдык» федерал проект дене келшышын  шиферым профнастил дене вашталтыме, карнизым, вӱд йогымо верым келыштареныт. Тидлан 800 тӱжем утла теҥгем кучылтыныт. Лишыл жапыште ончымо залыш креслым налаш шонат. Тиддеч посна тудо республикысе «Эн сай тӱвыра тӧнеж» конурсышто сеҥышыш лектын. Тиде окса дене сценын вургемжым вашталтыме. Марисола рӱдерым  Лидия Павлова чолган вуйлата. 

Марий Элысе корнылаште идалык тӱҥалтыш гыч вич еҥ ӱмыр лугыч лийын. Республикыште йолешке-влак дене кылдалтше корно туткар-влак шукемыт. Кум тылзе жапыште 40 тыгай аварий лийын, тушто 5 еҥ колен, 30 утла сусыргеныт. ГИБДД ведомствышто палдарат: шуко корно туткар йолешке-влакын титакыштлан кӧра, кастене але йӱдым лиеда. Тачысе кечын корно автоправилым эскерыше-влак кастене аварий шуко лийыме верлаште патруль дене лектыт, йолешке-влакын кугорно дене кайымышт годым волгалтарыше пале уло укем тергат. 

Йӱштӧ Кугызан резиденцийыштыже волгыдырак лийын. Ты марте Кукнур ялшотан илем кумдыкышто ты илем-пӧртышкӧ тул генератор полшымо дене толын. Тиде нелылыкым да ешартыш роскотым конден. Резиденцийын кумдыкыштыжо электричество йодышым район администраций вуйлатыше Александр Кугергин энергоснабжающий организацийын вуйлатышыже дене мутланен. Тидын дечын вара пашам тӱҥалыныт, электропередаче линийым шупшыныт, понар-влакым келыштареныт, 23 март гыч турист объектышке тул у семын толаш тӱҥалын. 

Самара олаште илыше-влак Марий Эл дене палыме лийыт. 10 апрельыште Йошкар-Олашке икымше туристический поезд толеш. «Яркие выходные в Приволжье» проект туризмым вияҥдаш келыштаралтын. Икымше поезд дене 342 турист толыт, нуно Йошкар-Ола, тыгак марий калыкын тӱвыра да йӱлаже дене палыме лийыт. Билет-влакым моткоч писын налын пытареныт. Поезд Самара ола гыч кугарнян, 9 апрельыште лектеш, а шуматкечын эрдене Марий Элын рӱдӧ олашкыже толын шуэш. Туроператор палемда: тӱҥжӧ  уна-влакым рӱдӧ ола дене палдараш, тамлын пукшаш. Программе моткоч чот поян, экскурсий-влак дене пырля турист-влаклан фольклор коллектив-влакын усталыкыштым ончыктат. Самара гыч толшо турист-влак Шкетан лӱмеш театрыште, тӱссымыктыш галерейыште лийыт. Ешарена, «Яркие выходные в Приволжье» проект кодшо ий октябрь мучаш гыч вич регионысо туроператор-влак дене ышталтын. Турист-влак кӱртньыгорно дене Пензенский, Ульяновский областьлашке, Удмуртий, Мордовийышке миен толын кертыт. Йошкар-Олашке турист-влак дене кокымшо поезд 17 апрельыште толшаш. 

Марий Элыште «День ангела» лӱман йоча да ача-ава-влакын студийже пашам ышта. Тиде проектым Йошкар-Оласе да Марий кундемысе епархий илышышке пурта. Студийышке нелылыкыш логалше икшЫве-влак коштыт. Тушто нуно сӱретлат, меж гыч панно да паша-влакым ыштат, ача-ава-влак йӱла, права дене кылдалтше йодыш-влаклан вашмутым муыт. Шукерте огыл студийышке коштшо йоча-влакын сӱретыштым православий историй тоштерыште почылтшо выставкышке чумыреныт. Ӱдыр ден рвезе-влак тӱрлӧ пайремлан келыштарыме сӱретым возеныт. 

Шошымсо призыв кампаний тӱҥалеш. Владимир Путин военный службыш налме нерген Указышке кидпалыжым пыштен. Призыв икымше апрельыште тӱҥалеш да 15-ше июль марте шуйна. Тиде кампаний жапыште армий радамыш 134 560 Россий гражданиным налшаш улыт. Кеч-могай войскаште срочный службо 12 тылзе гына шуйна. Марий Элыште, мутлан, шыжым ик тӱжем утла самырык еҥ салтак радамышке ушнен.