Самырык да талантан-влакым ушнаш ӱжыт. Олык Ипай премий лауреатше лӱм верч таҥасыше-влак йодмашым 16 февраль гыч пуэн кертыт. Конкурсыш 18 гыч 35 ияш марте пытартыш кок ий жапыште сай да тӱвыргö лектышан пашам кондыман. Документым 13 сентябрь марте Марий Элысе самырык-влакын пашашт шотышто комитетыште погат.
Палантай лӱмеш тӱвыра да сымыктыш колледжын Калыкле сымыктыш гимназийыштыже «Шочмо йылме-калык поянлык» йоча фестиваль эртен. Тудо шочмо йылмын тӱнямбалсе кечыжлан пӧлеклалтын. Икшыве-влаклан шочмо йылмым да тӱвырам аралыме шотышто почмо урок, шанчыеҥ, журналист, сылнымутчо дене вашлиймаш-влак лийыныт. Йоча фестивальышке мемнан съемочный группына миен.
Памятный день. Вывод войск из Афганистана.
О сыне-участнике СВО Дмитрии Топкаеве рассказывает мама – Алевтина Шанина.
Калык тӱвыра пöртыштӧ «ЭтноТукым» лÿман да тыгак кидпаша дене кылдалтше усталык лабораторий-влак пашам ышташ тӱҥалыныт. Студий ден кружок-влакын вуйлатышышт кок кече жапыште теорий да практике могырым шуаралтыныт. «Этнотукым» лабораторий кышкарыште поэзий деке шӱмаҥше-влак «Сылнымут садвечыште» шинчымашыштым келгемденыт. Кумданрак – материалыште.
14 февраль – Тÿнямбалне книгам пӧлеклыме кече. Ты кечым республикысе чыла книгагудо пайрем семын палемда. А кумылан-влак тушко книгам пӧлек шотеш кондат. Кузерак тиде кече Чавайн лӱмеш книгагудышто эртен, мемнан коллегынан ямдылыме материалыштыже.
Туныктышо-влаклан конкурс. Марий Элыште «Идалыкын туныктышыжо» конкурсын муниципал этапше тӱҥалын. Педагог-влак кызыт шке район да олалаште таҥасат. Почмо урокым пуат, шкевуя тунемаш теме дене презентаций да проект пашам аралат. Сеҥыше-влак шошым республик кӱкшытан «Идалыкын туныктышыжо» конкурсышто вашлийыт.
Салтаклан полыш. Кумылан-влак Йошкар-Оласе администрацийыште маскироватлыме сетьым пидыныт да кукшо душым але вес семынже «армейский» душым ыштеныт. Нуно специальный военный операцийыште улшо мемнан сарзыеҥ-влаклан полыш кидым шуялташ эре ямде улыт. Кумданрак – материалыште.
Российын ечыгорныжо – уло ешлан спорт пайрем. Тений Россий кӱкшытан ече танасымаш «Ешын идалыкше» кышкарыште эртаралтын. Садлан еш-влаклан посна марафон лийын. Тушко спорт дене кылым кучышо 45 еш ушнен. Тенийсе соревнований тыгак Ленинградым блокаде деч утарымылан 80 ий теммылан пӧлеклалтын. Ты кечын Корта базыште тӱжем наре еҥ ечыгорныш шогалын.
Кундемыштына илыше-влак чуваш калык тӱвыра дене лишкырак палыме лийын кертыт. Сӱретсымыктыш тоштерыште Чуваш Республикын сулло сӱретчыжын, Станислав Михайловын, але Станислав Юхтарын, ончерже почылтын. Молан тудо шкенжым «Юхтар» манеш? Сӱрет-влакым возаш мо кумылаҥда? Кумданрак сюжетыште.
