- Дата: 18:36, 27-07-2020
- Просмотров: 555
Марий Элыште верланыше Пугачевын тумыжо "Российысе пушеҥге - 2020" конкурсышто ончыл верыш лектын кертеш. Пугачев пушеҥгын кужытшо - 31 м. Тудо "Марий Чодра" национал паркыште верланен.
Марий Элыште верланыше Пугачевын тумыжо "Российысе пушеҥге - 2020" конкурсышто ончыл верыш лектын кертеш. Пугачев пушеҥгын кужытшо - 31 м. Тудо "Марий Чодра" национал паркыште верланен.
Республикысе книгагудо-влак уэш шке омсаштым почыт. Тыгодым икмыняр условийым шотыш налаш кӱлеш: книгагудышто 4 квадрат метрлан 1 еҥ гына лийын кертеш. Тушто пашам ыштыше да мийыше-влак коклаште 1,5 метр дистанцийым эскерыман.
«Йоча тазалыкым вияҥдымаш да у инфрастуктур йӧным кучылтын медицин полышым пуымаш» регионысо проект кышкарыште, Морко да Медведево район-влакын рӱдӧ эмлымверын йоча пӧлкажым олмыктеныт. Тиде пашам шукташ 1 млн 300 тӱжем утла теҥгем ойыреныт.
Марий Элысе олимпий резерв училищыште шуаралтше спортсмен-влаклан у экипировкым налме. «Спорт – норма жизни» федерал проектын кышкарыштыже, кугыжаныш полыш семын, спорт организаций-влаклан субсидийым ойырат.
Йошкар-Олаште Россий юж десант войскалан 90 ий темме лӱмеш мероприятий-влак эрташ тӱҥалыт. Тудо икмыняр кече эрта: 30 июльышто 9 шагатлан Российын Геройжо М. Н. Евтюхин лӱмеш "Гром" сарзе йӧндартыш комплексын марш-бросокышт лиеш. Тудо аэроклубын базыштыже эрташ тӱҥалеш. Мийыше-шамыч тактике да юж-десант ямдылалтмаште шкем терген кертыт
6 августышто Марий Элыште сонарзе-влак коклаште ир янлыкым лӱйкалыме шотышто жеребьевкым эртарат. Коронавирус шарлымылан кӧра тӱшка мерприятий-влак огыт эртаралт, сандене тиде мероприятийымат сонарлыше-влак деч посна – онлайн йӧн дене ыштат.
Йочам изи пагыт гычак сылнымутлан шӱмаҥден, кажне мутпогым аклаш туныктыман. Лачак тыгай шонымаш дене «Кече-Солнышко» журнал ынде 90 ий ила. Тудын икымше номерже 1930 ий июнь тылзыште лектын. Тунам журнал «Пионер йӱк» маналтын.
Иктешлыше кугыжаныш экзаменын тӱҥ йыжыҥже шенгелан кодын. Но август тӱҥалтыште эше резерв да ешартыш кече-влак лийыт. Тений ЕГЭ-м ВУЗлашке тунемаш пураш шонышо ӱдыр ден рвезе-влак гына кученыт. Кызыт нуно ойырен налме ВУЗлашке документым сдатлат. Тӱҥ шотышто электрон йӧн дене.
Эртыше кечылаште виктер пӧртышто ондалалтше дольщик-влакын праваштым аралыме шотышто погынымаш эртен. Тудым Марий Эл республик вуйлатыше Александр Евстифеев вӱден. Чоҥымаш министр Михаил Степановын палемдымыже почеш, Йошкар-Оласе «Гомзово» микрорайонышто улшо ик пӧртым мучаш марте чоҥен шуктымаште икмыняр чарак лектын.
Звениговышто канализаций коллекторым идалык мучаш марте ачален шукташ палемдыме. Тидлан республикысе резерв фонд гыч 5 миллион теҥге ойыралтын. Кӱлешан пунчалым шке кидпалыж дене Марий Эл Республикын вуйлатышыже Александр Евстифеев пенгыдемден.