Республикыште 2021 ийыште страховой пенсийын кокла кугытшто 15 тӱжемат 175 теҥгешке шуэш. Регионысо Пенсий Фонд эртыше идалыкым иктешлен. Ведомствышто палдарат, 31 декабрьысе данный дене республикыште 205 тӱжем еҥ пенсийым налын.
Регион вуйлатыше Александр Евстифеев предприниматель-влак дене вашлийын. Правительстве пӧртыштӧ республикын социал-экономике могырым вияҥмаш нерген ойленыт. Промышленность, экномике вияҥмаш да ужалымаш министр Станислав Крылов кундемнан вияҥмыже, улшо инвестиций проект-влак нерген ойлен. Тачысе кечын амалкалче-влаклан Республике Правительстве полышым ойыра. 28 февраль гыч предприниматсльствылан полшышо фонд микрозайм-влакым 10 процент дене, а чот нелылыкше логалше-влаклан эшеат изи процент дене пуа.
В связи с тем, что с 9 марта Глава Марий Эл Александр Евстифеев отменил часть ковидных ограничений, в частности на заполняемость концертных залов и театров, в продаже появилась новая партия билетов! Если вы хотели попасть на любимый фестиваль, но не успели купить билет - это ваш шанс!
Ешартыш шинчымашым налаш да келшыше паша верым муаш. Марий Элыште «Демографий» нацпроектын «Содействие занятости» федерал проектшым илышышке пуртат. Тудын дене келшышын регионышто илыше-влак ешартыш профессионал шинчымашым яра налын кертыт. Тений утларак тӱткыш самырык-влаклан ойыралтеш. А тиде кӧ - ВУЗ але СУЗым тунем пытарымеке, пашам муын огыл але армий радам гыч пӧртылын.
Тений Марий Элыште ял да села-влакым тӱзатыме 49 проектым илышышке пуртат. Пашам «Ялысе кумдыкым комплексно вияҥдымаш» кугыжаныш программе дене келшышын шуктат. Ик эн ончыч субсидийым Медведево райнысо Кузнецово селалан ойырат, тушто энергийым аныклыше технологий дене уремым волгалтарат. Кодшо ийын кумдыкым тӱзаташ 61 ялшотан илемлан полышым ойыреныт. Республикын районлаштыже у йоча площадкым ыштыме, корным тӧрленыт, уремлаште понар-влакым уэмденыт.
Тений «Туныктыш» нацпроектлан 300 миллион утла теҥге ойыралтеш. Тиде окса республикысе ВУЗ да моло тунемме заведений-влакын материально-технический базыштым уэмдаш да цифровой трансформаций курсым шуяш кая. Кодшо ийын туныктыш сферылан ик миллиард утларак оксам ойыреныт ыле.
Россий мучко канаш шонышо-влаклан «Турист кешбэк» программым уэш шуйымо. Тудын дене келшышын, каныме турын акше гыч 20% кугыжаныш пӧртылта. Окса кугыт 20 тӱжем деч шуко лийын ок керт.
Кевытлаште да ужалыше рӱдерлаште тергымаш-влак умбакыже эртат. Полиций пашаеҥ да тергыше ведомстве-влак тӱшкан погынымо верлаште маске чийымым да санитар нормым шуктымым ончат. Маскым чияш торешланыше-влакым муткучаш шогалтен кертыт. Кодшо арняште тыгай-влак ваштареш 107 протоколым возымо. Тыгак QR-код, отрицательный ПЦР тест але медотвод нерген справке деч посна улшо-влакымат административный муткучыш вуча.
Регион вуйлатыше Александр Евстифеев коронавирус инфекцийым шижтарыме шотышто совещанийым эртарен. Кугурак ийготан-влаклан вакцинаций поснак кӱлеш, молан манаш гын, илалше-влакын вес черыштат шуко, а нуно «Ковид» дене черланымеке, нелын эртен кертыт. Тазалыкаралтыш министр Марина Панькова палдарен: пытартыш арняште ковид дене черланымаш шукемеш, йоча-влак коклаште черланыше-влак утларакын улыт. Пайрем кечылаште йоча отделенийыште койко вер-влакым 35 марте шагалемденыт, тачысе кечын 90% икшыве-влак эмлалтыт. Тыгодым республикыште аралтыш средство, эм препарат-влак ситышын улыт.
Кодшо ийын республикыштына чодырам шолып руышо-влаклан кӧра 13 миллион утла теҥге эҥгек ышталтын. Марий Элыште 2021-ше ий мучко пушеҥгым шолыштмо дене кылдалтше 50 осал пашам регистрироватлыме. Тидыже 2020-шо ий деч 9 процентлан шагалрак. Тыгай осал пашам почмашат ешаралтын. 2020-шо ийыште 66% лийын гын, эртыше ийын 77% эртен. Эҥгекым пӧртылтымашат кушкын.
