Льгот ипотекым Российыште частный пӧрт-влакланат ыштеныт. Илыме верым ипотеке дене налаш кызыт тӱрлӧ семын темлат. Ынде шке пӧрт-влакым налаш кумылан-влакланат льготым пуаш тӱналыныт. Кызытеш тиде программе дене 2022 ий 1 июль марте пайдаланаш лиеш. Кредит кугыт чыла регионлан икгай - кум миллион теҥге марте, процентный ставкыже - 7%. Тылеч посна, ешыште 2018 ий 1 январь гыч шочшо икымше йоча уло гын, ипотекым  6 % процент ставке дене налын кертыт.

Районлаште медучреждений-влакым тӧрлат. Тыге мутлан, Медведево районысо Азаново участковый эмлымверыште леведышым ачалыме. 

Республикысе тазалыкаралтыш министерствын увертарымыже почеш, паша модернизаций программе почеш шукталтын. 2 пачашан кермыч зданийым кодшо курымын 90-ше ийлаштыже ыштыме. Леведыш шукертак лунчырген, садланак кӧра, медперсоналлан да эмлалтше-влаклан йӧндымылык лектын. Тачысе кечын Азаново эмлымверыште паллиативный полыш отделений верланен, тыгак терапий профиль дене стационар. Больницыште 40 еҥ пашам ышта. 

16 миллион утла теҥгелан у рентгенаппаратым Марий Элыште тазалыкаралтышым саемдыме шотышто программе кышкарыште налме.

Оборудованийым вераҥдаш, кабинетым капитально олмыктеныт, у окнам шынденыт, кондиционерым келыштареныт, кӱварысе ленолиумым алмаштеныт. У аппарат дене тӱжем утла пациент тергымашым эртен. 

Марий Эл республике электрон йӧн дене переписьышке ушнымо дене ончыл радамыште. Тидым регион-влакын онлайн йӧн дене йӱклымаш ончыкта. Ушештарена, калык чотым шотлымо паша – перепись – 14 ноябрь марте шуйна. Кызытсе вашталтышым шотыш налын, переписьыш Кугыжаныш услугын сайтыштыжат ушнаш лиеш.

Марий Эл республике электрон йӧн дене переписьышке ушнымо дене ончыл радамыште. Тидым регион-влакын онлайн йӧн дене йӱклымаш ончыкта. Ушештарена, калык чотым шотлымо паша – перепись – 14 ноябрь марте шуйна. Кызытсе вашталтышым шотыш налын, переписьыш Кугыжаныш услугын сайтыштыжат ушнаш лиеш.

Регион вуйлатыше Александр Евстифеев Марий Элыште наказанийым шуктышо виктемын у начальникше Игорь Третьяков дене вашлийын.  Игорь Третьяков уголовно-испольнительный системе органлаште 1994 ий гыч пашам ышта. Ты марте тудо Самарский областьыште УСФИн-ын тӱрлӧ подразделенийлаштыже вуйлатыше лийын, 2018 ий гыч Самарский областьын наказанийым шуктышо виктемын начальникын алмаштышыже сомылым шуктен. 

Республикыште 19 тӱвыра объектышке «Пушкинский карте» полшымо дене миен толаш лиеш. Кодшо кечылаште тиде проект деке Шереметев замок ушнен. 14 гыч 22 ияш самырык-влак республикысе театр-влак, тыгак Евсеев лӱмеш тоштер, Марий кугыжаныш филармонийын мероприятийлашке миен толын кертыт.

Советский поселкышто у автоклуб пашам ышташ тӱҥалеш. Тудым «Тӱвыра» национальный проект дене келшышын налыныт. Ныл миллион теҥге  утла акан автоклуб моткоч йӧнан, кӱлеш годым концерт площадкыш савырна, тыштак тул, музык да видео дене пайдаланаш лиеш.

Марий Элын писательже-влак «Сылнымут шыже -2021» семинарыш ушненыт. Тыгай погынымаш самырык возышо-влаклан полшымо, марий сылнымутым вияҥдыме амал дене кок ийлан ик гана эртаралтеш. Икымше гана тыгай семинар 1975 ийыште эртаралтын. Лӱмлӧ пагалыме поэт-писаталь: Зинаида Ермакова, Валерий Бердинский, Альберт Васильев, Зоя Дудина, Надежда Никитина дене пырля семинарыште шкем возымаште тергыше самырык тунемше-влак ушненыт. Нунылан каҥашым, возымо шотышто темлымашым мастар еҥ-влак пуэныт.

Йӱлышӧ чодыра кумдыкышто 23 тӱжем утла изи пӱнчым шынденыт. 3 октябрьыште Куяр чодыра озанлыкыште шыже пагытыште пушеҥгым шындыме акцийым тӱҥалыныт. Тушко кок тӱжемат 500 утла еҥ ушнен – тиде волонтер, студент, тыгак национальный банкын еҥышт, пӱртӱс ресурс министерствын еҥышт.